A partir de 1921 comeza unha intensa actividade literaria, colaborando en revistas e xornais, e formando parte do consello de redacción da revista Ronsel de Lugo.

No 1923 remata os estudos de náutica e matricúlase en Filosofía e Letras na Universidade de Santiago, mais nunca chegará a rematar estes estudos.

Á espera de facer as prácticas de piloto volve a Rianxo. Nesta época xa non envía tan a miúdo poemas á prensa e a súa produción literaria vaise tornando máis coidada e persoal, intensificando o individualismo na súa obra.

Entre 1926 e 1927 fai as prácticas de piloto da mariña mercante a bordo do pailebote Constantino Candeira, nos anos 1928 e 1929 fai tres viaxes a América a bordo do buque holandés Gelria e en 1929 desembarca en Cádiz por mor do agravamento da tuberculose que padece. O 28 de xaneiro do 1930 falece en Rianxo.

Manuel Antonio:

Manuel Antonio Pérez Sánchez, nace en Rianxo o 12 de xullo de 1900.

En 1913 matricúlase no bacharelato en Santiago, onde comeza a súa militancia no galeguismo e no republicanismo, participando activamente na vida política.

Atraído pola literatura, en 1918, envía os seus primeiros poemas a revistas e xornais, cuxos temas centrais son a loita anticaciquil e o nacionalismo.

En 1919 contacta con Vicente Risco, recoñecido como a persoa máis formada das novidades artísticas que estaban a aparecer en Europa, de quen recibe noticias sobre os movementos de vangarda. Neste ano comeza os estudos de náutica en Vigo.

Celebración do 90 aniversario da publicación de De catro a catro:

No ano 2018 o CIFP Manuel Antonio conmemora o 90 aniversario da publicación do libro "De catro a catro" do poeta Manuel Antonio.

Ao longo do ano desenvolveranse unha serie de actividades encamiñadas a divulgar a figura e obra de Manuel Antonio, a fomentar o uso oral e escrito do galego e a dinamizar o uso da lingua como eixo vertebrador da nosa comunidade educativa.

Os obxectivos destas actividades poden resumirse en tres:

  • Contribuír á normalización lingüística e fomentar o uso do galego.

  • Fomentar a lectura e promocionar un hábito lector.

  • Divulgar a figura e obra de Manuel Antonio.

Durante o segundo trimestre desenvolvéronse as seguintes actividades:

  • Durante os meses de xaneiro e marzo fixemos un taller de graffiti que culminou na elaboración, por parte do alumnado do centro, dun mural colectivo inspirado na figura de Manuel Antonio e no seu libro “De catro a catro”. Poden verse fotos aquí e o vídeo resumo do mural aquí.

  • No mes de febreiro celebramos o I Concurso de Micropoemas de Amor e Soidade, inspirado na obra de Rosalía de Castro e de Manuel Antonio. Poden verse os poemas gañadores aquí.

  • Tamén no mes de febreiro organizamos un roteiro literario polo Vigo de Manuel Antonio e das vangardas, coa colaboración do alumnado dos CFGS de Turismo do centro. Poden verse fotos do roteiro aquí.

  • No mes de marzo celebramos o día da poesía para o que instalamos un espazo dedicado a Manuel Antonio e a súa obra na biblioteca e organizamos unha lectura colectiva dos 19 poemas do libro na que colaboraron diferentes centros galegos, nacionais e internacionais. Pode verse a lista de reprodución cos diferentes vídeo-poemas aquí.

De catro a catro:

Primeira edición de

"De catro a catro" (27/03/1928).

O libro consta de dezanove poemas que foron escritos entre os anos 1926 e 1927 cando Manuel Antonio, embarcado no pailebote Constantino Candeira, percorreu as augas do Mediterráneo.

O tema central do libro é a soidade, o suxeito abandona o mundo coñecido e protector da beiramar, ao que volverá ao rematar a navegación. A travesía achégalle un conxunto de experiencias nun mundo novo que debe descifrar.

Manuscrito de "De catro a catro" publicado por Alvarellos (2016).

"De catro a catro. Folla sen data dun diario de abordo" é o primeiro poemario integramente vangardista da literatura galega, marcando un antes e un despois na historia da nosa literatura.

O poemario mostra un proceso de traballo da linguaxe excepcional, incorporando o léxico mariñeiro a un discurso onde a presenza dunha linguaxe técnica da boa medida do afán de preocupación formal por parte do autor.

This site was designed with the
.com
website builder. Create your website today.
Start Now