Dentro das actividades que se desenvolven ao longo deste ano 2018 para conmemorar o 90 aniversario da publicación do libro "De catro a catro" de Manuel Antonio, o próximo venres 23 de febreiro ás 10:00 h terá lugar na cidade de Vigo un roteiro literario arredor da figura do poeta.
O paseo, que conta coa participación do alumnado de Turismo, terá como fío condutor a pegada de Manuel Antonio na cidade de Vigo, ademais da súa relación coas vangardas galegas dos anos 20 e as vangardas máis actuais.
Ademais, ao longo desta "viaxe" literaria polo Vigo histórico o alumnado do Club de Lectores do centro lerán algúns dos poemas do libro "De catro a catro".
